02/02/ 2023 அன்று ஹர்ஷமித்ரா மருத்துவமனையின் நிர்வாக இயக்குனர் டாக்டர் திரு. கோவிந்தராஜ் அவர்கள் திருச்சி மணிகண்டம் பஞ்சாயத்தில் அமைந்துள்ள இந்திரா கணேசன் பொறியியல் மற்றும் அறிவியல் கல்லூரியில் உலக புற்றுநோய் தினத்தை முன்னிட்டு சிறப்புரையாற்றினார்.இந்த நிகழ்வில் கல்லூரியைச் சேர்ந்த 400 மாணவ மாணவிகள் கலந்து கொண்டனர். மருத்துவர் திரு கோவிந்தராஜ் அவர்கள் தமது உரையில் புற்றுநோய் வராமல் தடுப்பதற்கான வழிமுறைகளாகிய வேக்சின், பெண்களுக்கான சுய மார்பக பரிசோதனை மற்றும் செர்விக்கல் கேன்சர்க்கான அறிகுறிகள் போன்றவற்றை எளிமையான முறையில் அனைவரும் புரிந்து கொள்ளும் படி விளக்கி கூறினார். பெண்களை வெகுவாக பாதிக்கும் மார்பகப் புற்று நோய் மற்றும் கர்ப்பப்பை வாய் புற்றுநோய் பற்றிய புகைப்படம் விளக்கங்களோடு எடுத்துரைத்தார். கல்லூரி மாணவர்களும் தாங்கள் இந்த நாளில் சபதம் மேற்கொள்வோம் என்று புற்றுநோய் உருவாக்கும் எந்த விதமான பொருட்களையும் நமது உறவினர்களோ, நண்பர்களோ, நெருங்கிய உறவுகளோ யாரும் உபயோகிக்காமல் தடுப்போம். என உறுதிமொழியேற்றனர். விழாவில் கல்லூரி முதல்வர் அவர்களால் மருத்துவர் திரு கோவிந்தராஜ் அவர்கள் கௌரவிக்கப்பட்டு நன்றி உரையுடன் விழா இனிதே முடிவடைந்தது.
